Vivo Y21A બજેટ સ્માર્ટફોન ભારતમાં લોન્ચ, જાણો સ્પેસિફિકેશન

 Vivoએ ભારતમાં પોતાનો નવો બજેટ સ્માર્ટફોન Vivo Y21A લૉન્ચ કરી દીધો છે. કંપનીએ ગયા અઠવાડિયે જ Vivo Y21e લૉન્ચ કર્યો છે. Vivo Y21Aની ડિઝાઈન પણ થોડા દિવસો પહેલા લૉન્ચ થયેલા ફોન જેવી જ છે. Vivo Y21A માં MediaTek Helio Helio P22 પ્રોસેસર આપવામાં આવ્યું છે. આ સિવાય તેમાં ડ્યુઅલ રિયર કેમેરા સેટઅપ છે.

Vivo Y21A કિંમત
Vivo Y21Aને કંપનીની વેબસાઈટ પર લિસ્ટ કરવામાં આવ્યો છે, પરંતુ કિંમત વિશે હજુ સુધી કોઈ માહિતી સામે આવી નથી. Vivo Y21A ને ડાયમંડ ગ્લો અને મિડનાઈટ બ્લુ કલરમાં ખરીદવાની તક મળશે. ફોનને માત્ર એક રેમ સ્ટોરેજ (4GB + 64GB)માં રજૂ કરવામાં આવ્યો છે.

Vivo Y21A ની વિશિષ્ટતાઓ
Vivo Y21A પાસે Android 11 આધારિત Funtouch OS 11.1 છે. તેમાં 720×1600 પિક્સેલના રિઝોલ્યુશન સાથે 6.51-ઇંચની HD+ ડિસ્પ્લે છે. Vivo Y21A માં MediaTek Helio P22 પ્રોસેસર, 4 GB રેમ અને 64 GB સ્ટોરેજ છે જેને મેમરી કાર્ડની મદદથી વધારી શકાય છે. ફોનની રેમ પણ 1 GB સુધી વધારી શકાય છે.

વધુ માં વાંચો :- મોબાઈલ ડેટાના વધુ પડતા વપરાશથી પરેશાન છો, તો આજે જ આ ચાર સેટિંગ્સ બદલો

Vivo Y21A નો કેમેરા
આ Vivo ફોનમાં બે રિયર કેમેરા છે, જેમાંથી એક 13 મેગાપિક્સલનો છે, જેમાં અપર્ચર f/2.2 છે. બીજી તરફ, 2 મેગાપિક્સલનો મેક્રો લેન્સ છે. ફોનમાં 8 મેગાપિક્સલનો સેલ્ફી કેમેરા છે.

Vivo Y21A બેટરી
કનેક્ટિવિટી માટે, તેમાં 4G LTE, Wi-Fi, બ્લૂટૂથ 5 અને GPS મળશે. ફોન 18W ફાસ્ટ ચાર્જિંગ માટે સપોર્ટ સાથે 5000mAh બેટરી પેક કરે છે. ફોનનું વજન 192 ગ્રામ છે.