Jio Book: Jioનું પહેલું લેપટોપ ટૂંક સમયમાં લોન્ચ થઈ શકે છે, Windows 10 સાથે માર્કેટમાં આવશે

Reliance Jioનું પહેલું લેપટોપ Jio Book ટૂંક સમયમાં ભારતમાં લોન્ચ થઈ શકે છે. નવા રિપોર્ટ અનુસાર, Jio Book ARM પ્રોસેસર અને Windows 10 સાથે ઓફર કરવામાં આવશે. જિયો બુકના હાર્ડવેર સર્ટિફિકેશન ડોક્યુમેન્ટ લીક થયા છે, જેમાં લેપટોપના ફીચર્સ વિશે જાણકારી આપવામાં આવી છે.

જાહેર થયેલા દસ્તાવેજ અનુસાર, Windows 10 નું ARM વર્ઝન લેપટોપ સાથે ઉપલબ્ધ હશે. અહેવાલ છે કે લેપટોપનું હાર્ડવેર એક ચીની કંપની દ્વારા બનાવવામાં આવી રહ્યું છે, જ્યારે Jioએ એક વખત કહ્યું હતું કે તે તેના કોઈપણ ઉત્પાદનો અથવા સેવા માટે ચીનની મદદ લેશે નહીં. તાજેતરમાં લૉન્ચ થયેલા Jio Phone નેક્સ્ટની બેટરી પર પણ Made in China લખેલું છે.

રિપોર્ટ અનુસાર, Jio Bookની પ્રોડક્ટનું નામ QL218_V2.2_JIO_11.6_20220113_v2 છે. Intel અથવા AMD x86 CPU લેપટોપમાં મળી શકે છે. આ પહેલા પણ Jio Book ના ઘણા અહેવાલો સામે આવી ચુક્યા છે.

ગયા વર્ષે નવેમ્બરમાં પણ Jio Book વિશે એક રિપોર્ટ આવ્યો હતો, જે મુજબ Jioના લેપટોપ JioBookની કિંમત 9,999 રૂપિયા હશે, જોકે આ શરૂઆતી કિંમત હશે. Jio Book અન્ય ઘણા વેરિયન્ટ્સમાં પણ લોન્ચ કરવામાં આવશે. આ સિવાય JioBookમાં 4G કનેક્ટિવિટી પણ મળશે. Jioના લેપટોપ JioBookમાં ફોર્ક્ડ એન્ડ્રોઇડ હશે જે JioOS તરીકે ઓળખાશે. તમામ Jio એપ્સ લેપટોપમાં સપોર્ટ કરશે.

એવું કહેવામાં આવી રહ્યું છે કે રિલાયન્સે JioBook માટે ચીની કંપની બ્લુબેંક કોમ્યુનિકેશન ટેક્નોલોજી સાથે ભાગીદારી કરી છે. આ જ કંપની JioBook લેપટોપનું ઉત્પાદન કરી રહી છે. તમને જણાવી દઈએ કે આ જ કંપનીએ Jio ફોન પણ બનાવ્યો છે.