હવે ઘરે બેઠા સિમ ઓર્ડર કરો, વેબસાઇટ પરથી KYC પૂર્ણ કરો
BSNL એ એક ખાસ વેબસાઇટ શરૂ કરી છે, જ્યાં ગ્રાહકો ઓનલાઈન KYC (Know Your Customer) પ્રક્રિયા પોતે પૂર્ણ કરી શકે છે. આ માટે તમારે https://sancharaadhaar.bsnl.co.in/BSNLSKYC/ લિંકની મુલાકાત લેવી પડશે. આ સેવા પ્રીપેડ અને પોસ્ટપેઇડ બંને કનેક્શન માટે ઉપલબ્ધ છે. ગ્રાહકે પોતાનો પિન કોડ, નામ અને વૈકલ્પિક મોબાઇલ નંબર દાખલ કરવાનો રહેશે. આ પછી તમે પસંદ કરી શકો છો કે આ સિમ તમારા માટે છે, પરિવારના સભ્ય માટે છે કે અન્ય વ્યક્તિ માટે છે.
પ્રક્રિયા પૂર્ણ કર્યા પછી OTP દ્વારા ચકાસણી
માહિતી સબમિટ કર્યા પછી, તમારા આપેલા વૈકલ્પિક મોબાઇલ નંબર પર OTP આવશે. OTP ચકાસણી પછી તમારા સિમ ઓર્ડરની પ્રક્રિયા કરવામાં આવશે. જો સિમ ઓર્ડર અથવા KYC પ્રક્રિયા દરમિયાન કોઈ સમસ્યા ઊભી થાય છે, તો BSNL ના હેલ્પલાઇન નંબર 1800-180-1503 પર સંપર્ક કરી શકાય છે.
તમને જણાવી દઈએ કે BSNL ઝડપથી તેના 4G અને 5G નેટવર્કનો વિસ્તાર કરી રહ્યું છે. કંપનીનો ઉદ્દેશ્ય જૂન 2025 સુધીમાં દેશભરમાં 1 લાખ 4G સાઇટ્સ શરૂ કરવાનો છે. આ ઉપરાંત, ટૂંક સમયમાં 5G સેવાઓનો પણ વિસ્તાર કરવામાં આવશે. BSNL એ તાજેતરમાં પસંદગીના શહેરોમાં Q-5G FWA (ફિક્સ્ડ વાયરલેસ એક્સેસ) સેવા પણ શરૂ કરી છે, જે ₹999 પ્રતિ મહિનાથી શરૂ થાય છે અને 100 Mbps સુધીની ઝડપ આપે છે.
